Stafræn rafeindatækni hefur valdið mestu byltingu í sjónvarpstækni sem orðið hefur frá upphafi sjónvarps. Með tilkomu þessarar tækni fjölgar þjónustumöguleikum sjónvarpsstöðvanna um leið og þjónustan verður öruggari og í meiri gæðum en áður, bæði hvað mynd og hljóð varðar. Nú geta sjónvarpsstöðvarnar skilað kvikmyndum til notandans í gæðum sem jafnast á við upplifun í kvikmyndahúsi. 
En til að ná fram þessum gæðum verður notandinn að koma sér upp stafrænum tækjakosti sem skapar þessi mynd- og hljóðgæði. Þetta kallar á stóran sjónvarpsskjá og tilheyrandi hljómflutningstæki, sem er kostnaðarsamt fyrir notandann og því mikilvægt að tækjavalið sé rétt. Þessi grein skýrir ýmis hugtök og tækniatriði sem notandanum er nauðsyn að kunna skil á við val á nútíma sjónvarpstæki.

Efnislisti: